Vinayavijaya

Nayakarṅikā

Vardhamānaṃ stumaḥ sarvanayanadyarṇavāgamaṃ |
Saṇkṣepatastadunnītanayabhedānuvādataḥ ||1||

Naigamaḥ saṃgrahaścaiva vyavahārarjjusūtrakau |
Śabdaḥ samabhirūḍhaivaṃbhūtau ceti nayāḥ smṛtāḥ ||2||

Arthāḥ sarve pi sāmānya viśeṣā ubhayātmakāḥ |
Sāmānyaṃ tatra jātyādi viśeṣāśca vibhedakāḥ ||3||

Aikyabuddhirghaṭaśate bhavetsāmānyadharmataḥ |
Viśeṣācca nijaṃ nijaṃ lakṣayanti ghaṭaṃ janāḥ ||4||

Naigamo manyate vastu tadetadubhayātmakaṃ |
Nirviśeṣaṃ na sāmānyaṃ viśeṣo pi na tadvinā ||5||

Saṃgraho manyate vastu sāmānyātmakamevahi |
Sāmānyavyatirikto sti na viśeṣaḥ khapuṣpavat ||6||

Vinā vanaspatiṃ ko pi nimbāmrādirna dṛśyate |
Hastādyantarbhāvinyo hi nāṇgulādyāstataḥ pṛthak ||7||

Viśeṣātmakamevārthaṃ vyavahāraśca manyate |
Viśeṣabhinnaṃ sāmānyamasat kharaviṣāṇavat ||8||

Vanaspatiṃ gṛhāṇeti prokte gṛhṇāti ko pi kim |
Vinā viśeṣānnāmrādiṃstan nirarthakameva tat ||9||

Vraṇapiṇḍīpādalepādike lokaprayojane |
Upayogo viśeṣaiḥ syātsāmānye na hi karhicit ||10||

Ṝjusūtranayo vastu nātītaṃ nāpyanāgatam |
Manyate kevalaṃ kintu vartamānaṃ tathā nijam ||11||

Atītenānāgatena paraskīyena vastunā |
Na kāryasiddhirityetadasadgaganapadmavat ||12||

Nāmādicaturṣveṣu bhāvameva ca manyate |
Na nāmasthāpanādravyāṇyevamagretanā api ||13||

Arthaṃ śabdanayo nekaiḥ paryāyairekameva ca |
Manyate kuṃbhakalaśaghaṭādyekārthavācakāḥ ||14||

Brūte samabhirūḍho rthaṃ bhinnaparyāyabhedataḥ |
Bhinnārthāḥ kuṃbhakalaśaghaṭā ghaṭapaṭādivat ||15||

Yadi paryāyabhede pi na bhedo vastuno bhavet |
Bhinnaparyāyayorna syāt sa kuṃbhapaṭayorapi ||16||

Ekaparyāyābhidheyamapi vastu ca manyate |
Kāryaṃ svakīyaṃ kurvāṇamevaṃbhūtanayo dhruvaṃ ||17||

Yadi kāryamakurvāṇo pīṣyate tattayā sa cet |
Tadā paṭe pi na ghaṭavyapadeśaḥ kimiṣyate ||18||

Yathottaraṃ viśuddhāḥ syurnayāḥ saptāpyamī tathā |
Ekaikaḥ syācchataṃ bhedāstataḥ saptaśatāpyamī ||19||

Athaivaṃbhūtasamabhirūḍhayoḥ śabdaeva cet |
Antarbhāvastadā pañca nayapañcaśatībhidaḥ ||20||

Dravyāstikaparyāyāstikayorantarbhavantyamī |
Âdāvādicatuṣṭayamantyecāntyā strayastataḥ ||21||

Sarve nayā api virodhabhṛto mithaste
Sambhūya sādhusamayaṃ Bhagavan bhajante |
Bhūpā iva pratibhaṭā bhuvi sārvabhauma
Pādāmbujaṃ pradhanayuktiparājitā drāk ||22||

Itthaṃ nayārthakavacaḥ kusumairjinendur
Vīrorcitaḥ savinayaṃ Vinayābhidhena |
Śrī Dvīpabaṃdaravare Vijayādi Deva
Sūrīśitur Vijayasiṃhagurośca tuṣṭyai ||23||

Top.Mail.Ru
Copyright © 2019 ДЖАЙНОЛОГИЯ.РУ